Este programa oriéntase ao desenvolvemento de accións estratéxicas baseadas no hidróxeno para transformar a paradigma enerxético actual e minimizar a emisión de gases de efecto invernadoiro. En particular, as partes manifestan a súa vontade de identificar, no seu caso, como ámbitos de colaboración futura para o desenvolvemento do programa, as seguintes liñas de actuación (LA):
- LA-1: Xeración de hidróxeno verde a baixa temperatura a partir de enerxía renovable.
- LA-2: Xeración de hidróxeno verde a baixa temperatura a partir de enerxía eólica off-shore.
- LA-3: Xeración de hidróxeno a alta temperatura a partir de enerxía renovable e mediante o aproveitamento de calores residuais.
- LA-4: Xeración de hidróxeno e biometano a partir de biomasa.
- LA-5: Xeración de biocombustibles a partir de hidróxeno e CO2.
- LA-6: Desenvolvemento de sistemas para o almacenamento a presión e subministración de hidróxeno verde.
- LA-7: Usos de hidróxeno no transporte pesado, sector aéreo e marítimo.
- LA-8: Usos de hidróxeno no sector industrial combustión.
- LA-9: Usos de hidróxeno no sector industrial e doméstico empregando pilas de combustible.
- LA-10: Usos de hidróxeno no sector industrial para redución de emisións de CO2 e como axente químico.
- LA-11: Estudos técnico-económicos e lanzamento ao mercado de modelos de utilidade. Actividades de difusión, formación e capacitación de novos investigadores.
- LA-12: Coordinación xeral do proxecto.
- LA-13: Posta en marcha do Centro Nacional de Investigación de Almacenamento Enerxético.
O programa púxose en marcha inicialmente coas Comunidades Autónomas de País Vasco, Principado de Asturias, Aragón, Castela A Mancha, Canarias, Comunidade Foral de Navarra, Estremadura e Madrid, contando tamén coa participación do CSIC, mediante a subscrición dun convenio marco co Ministerio de Ciencia, Innovación e Universidades.
Posteriormente, tras o Acordo do Consello de Política Científica, Tecnolóxica e de Innovación do 22 de xuño de 2022, incorporáronse as Comunidades Autónomas de Cantabria e Castela e León.
