Carmen García García, Premio Nacional de Investigación Blas Cabrera en Ciencias Físicas, dos Materiais e da Terra

Carmen García é profesora de Investigación do Consello Superior de Investigacións Científicas no Institut de Física Corpuscular-IFIC (centro mixto do CSIC e a Universitat de València).

Recibiu o Premio polo impacto da súa traxectoria científica, recoñecida tanto nacional como internacionalmente, e a excelencia das súas investigacións en materia de física de partículas, centrada no estudo dos compoñentes fundamentais da materia e as súas interaccións.

Destacan as súas achegas á procura de partículas de vida media longa, desenvolvemento de detectores de trazas e a súa participación no experimento ATLAS, clave para o descubrimento do Bosón de Higgs.