Mar Reguant Ridó, Premio Nacional de Investigación para Mozas Clara Campoamor en Dereito e Ciencias Económicas e Sociais

Mar Reguant é doutora ICREA no Institut de Anàlisi Econòmica (IAE-CSIC) e profesora en Northwestern University.

Foi premiada pola súa relevante traxectoria científica, a pesar da súa mocidade, no ámbito das Ciencias Económicas e, máis concretamente, da Economía da Enerxía.

O Xurado destacou a súa significativa traxectoria académica internacional, a versatilidade e innovación nas ferramentas, metodoloxías e técnicas de medición para abordar os problemas relevantes no ámbito da Enerxía, o Medio ambiente e o Cambio Climático, así como o incipiente impacto da súa investigación no deseño de normativa e políticas públicas sobre enerxía e medioambiente.