Inmaculada Bermúdez Cózar. Premio Nacional de Deseño 2022. Profesionais
Inmaculada Bermúdez Cózar foi premiada nesta categoría en recoñecemento a unha traxectoria de honestidade creativa e compromiso coa sustentabilidade ambiental e social. Bermúdez conseguiu alzarse como un novo referente do deseño español no panorama internacional, preservando o sinal da súa mirada feminina e da súa identidade mediterránea.
O seu traballo evidencia a elegancia, esixencia de calidade, disciplina e entrega que a converten nun exemplo a seguir para os deseñadores e deseñadoras do século XXI. O seu compromiso co deseño exprésase a través dun excelente e recoñecido traballo creativo.
Tamén se manifesta no empeño de innovar a través de novos procesos e o desenvolvemento de materiais máis respectuosos co medio ambiente e a sociedade nun momento no que a materialidade dos obxectos cotiáns ha de estar en plena sintonía cos obxectivos de desenvolvemento sustentable.
