Comisión Interministerial para a incorporación de criterios de innovación na contratación pública

A Comisión Interministerial para a incorporación de criterios de innovación na contratación pública é un órgano colexiado adscrito ao Ministerio de Ciencia, Innovación e Universidades, a través da secretaría Xeral de Innovación.

Ten como fin garantir a coordinación da Administración Xeral do Estado, os seus organismos e entidades de dereito público e os servizos comúns e as entidades xestoras da Seguridade Social, na incorporación e o uso de criterios de innovación na contratación pública.

En particular, a comisión promoverá a consideración da innovación en todas as fases dos expedientes de contratación, difundirá as mellores prácticas administrativas, e avaliará as técnicas e opcións de promover a innovación da normativa vixente co obxecto de impulsar criterios de forma proactiva que permitan unha compra pública innovadora, e no seu caso, estudar a necesidade de posibles melloras no marco normativo da compra pública innovadora.