OCIB está xestionado por un consorcio financiado a partes iguais pola Administración Xeral do Estado e o Goberno da Comunidade Autónoma de Illes Balears. Situado en Palma de Mallorca, está en fase operativa desde 2013.
A actividade de SOCIB céntrase no Mediterráneo Occidental, incluíndo as Illas Baleares e zonas adxacentes (mar de Alborán, mar Alxerino…). Pola súa posición estratéxica, próxima á transición entre o Mediterráneo e o Atlántico, constitúe un dos “puntos quentes” da biodiversidade mundial.
SOCIB está constituído por unha rede de instalacións e equipos dedicados á observación mariña, adquisición, procesamento, análise, modelado numérico operacional e diseminación de información multidisciplinar do medio mariño de forma sistemática e regular.
A sinerxia entre os diferentes sistemas de observación (catamarán oceanográfico, radares de alta frecuencia, vehículos submarinos autónomos, boias, perfiladores ARGO, etc.), os sistemas de predición e as ferramentas de asimilación de datos e o sistema informático de xestión e distribución de datos permite dispor dunha descrición completa e integrada das propiedades físicas e biogeoquímicas dos sistemas mariños e costeiros e da súa evolución.
