Esta ICTS distribuída dispón de todo o espectro de tecnoloxías necesarias para cuantificar o conxunto de elementos que integran os sistemas biolóxicos, incluíndo ADN, ARN, marcadores epigenómicos, proteínas, metabolitos e elementos estruturais como as membranas. Ofrece así unha solución integrada para descifrar os procesos biolóxicos a través da bioloxía de sistemas.
Está integrada por:
O Centro Nacional de Análise Xenómica foi creado en 2009 pola Administración Xeral do Estado e a Generalitat de Catalunya. A plataforma de Xenómica do CNAG conta cun parque de doce secuenciadores de ADN de segunda xeración (nove HiSeq2000, dous HiSeq2500 e un MiSeq) capaces de secuenciar máis de 800 Giga bases ao día, o que equivale a oito xenomas humanos completos cada 24 h. Dispón tamén dunha potente instalación informática, con 2,7 petabytes para o almacenamento de datos, máis de 1.200 nodos de computación cunha capacidade de 13 TFlops, unha rede interna de 10 GBytes/s e múltiples conexións directas de 10 GBytes/s ao Centro Nacional de Supercomputación (BSC-CNS).
Plataforma de Metabolómica do Centro de Ciencias Ómicas
O Centro de Ciencias Ómicas é de titularidade da Universidade Rovira e Virgili e está xestionado polo Centro Tecnolóxico de Nutrición e Saúde. A integración nunha única instalación de múltiples tecnoloxías en metabolómica e proteómica permite utilizar as tecnoloxías máis idóneas, ou a combinación delas, para determinar o perfilado metabólico. As metodoloxías de metabolómica non dirixida permiten postular hipóteses que poden comprobarse e elucidar os mecanismos bioquímicos implicados, mediante a utilización de tecnoloxías óhmicas complementarias como xenómica, transcriptómica ou proteómica e a validación in vitro, in vivo e en humanos.
