O Consello Superior de Investigacións Científicas (CSIC) é a maior institución pública de España dedicada á investigación científica e técnica e unha das máis destacadas do Espazo Europeo de Investigación. Adscrito ao Ministerio de Ciencia, Innovación e Universidades a través da Secretaría Xeral de Investigación, o CSIC estrutúrase en tres grandes áreas, Sociedade, Vida e Materia, que cobren a maior parte do coñecemento humano e nas que se encadra a actividade de máis de 1.500 grupos de investigación dos seus 120 centros.
Entre os seus obxectivos destaca o achegar as capacidades e logros científicos e tecnolóxicos a todos os sectores socioeconómicos nacionais e internacionais, co fin de lograr que se transformen en benestar social, económico e cultural para o conxunto da sociedade. Ademais, impulsa continuamente a dimensión internacional da súa produción científica con estreitas relacións con entidades de investigación internacionais.
O CSIC ten como misión o fomento, a coordinación, o desenvolvemento e a difusión da investigación científica e tecnolóxica, de carácter multidisciplinar, co fin de contribuír ao avance do coñecemento e ao desenvolvemento económico, social e cultural, así como á formación de persoal e ao asesoramento a entidades públicas e privadas nestas materias.
Conta con competencias para levar a cabo actividades dirixidas a:
-
la generación de conocimiento a través de la investigación científica y técnica,
-
a transferencia dos resultados da investigación con especial atención ao impulso e creación de empresas de base tecnolóxica,
-
o asesoramento experto a administracións públicas e institucións privadas,
-
a formación pre e postdoutoral e de alta cualificación,
-
o fomento da cultura científica na sociedade,
-
a xestión de grandes instalacións e infraestruturas científico técnicas singulares,
-
a presenza e representación en organismos internacionais, e
-
o desenvolvemento da investigación orientada.
