A Compra Pública de Innovación (CPI) é unha actuación administrativa orientada a fomentar o desenvolvemento de solucións innovadoras desde o lado da demanda, a través do instrumento da contratación pública.
OBXECTIVOS XERAIS
- Mellorar os servizos públicos mediante a incorporación de bens ou servizos innovadores.
- Fomentar a innovación empresarial e, polo tanto, o crecemento económico.
- Impulsar a internacionalización da innovación empregando o mercado público local como cliente de lanzamento ou referencia.
POTENCIAIS USUARIOS
A CPI é un instrumento que pode ser utilizado por calquera entidade ou organismo do Sector Público que teña a condición de poder adjudicador e preste un servizo público en cuxo ámbito detecte unha necesidade ou deficiencia que non poida ser atendida mediante a adquisición dos bens ou servizos ofertados polo mercado.
TIPOS DE CPI
- Compra Pública de Tecnoloxía Innovadora (CPTI): O seu obxecto é un produto ou servizo que non existe nese momento, pero cuxo desenvolvemento se atopa xa nunha fase moi próxima ao mercado.
- Compra Pública Pre‐comercial (CPP): O seu obxecto é un servizo de I+D que concluiría co achegamento ao mercado dunha ou varias solucións innovadoras aptas para satisfacer as necesidades identificadas polo poder adxudicado.